banner
banner

Gündəm

Şeyxin qudası məhərrəmlik qadağasını DƏSTƏKLƏDİ

Şeyxin qudası məhərrəmlik qadağasını DƏSTƏKLƏDİ

Dini Qurumlarla İş üzrə Dövlət Komitəsinin sədri Mübariz Qurbanlı "Dini etiqad azadlığı haqqında" qanuna edilən dəyişiklər barədə danışıb.

 

O deyib ki, dəyişikliyə görə, Məhərrəmlik ayında dini xarakterli ayinlərin evlərdə, küçələrdə keçirilməsi yolverilməzdir.

 

“Məhərrəmlik ayında evlərdə, küçələrdə  ayinlərin keçirilməsinə qoyulan qadağa doğru addımdır. Bir şeyi dəqiq bilirəm ki, dövlət nəyi necə məsləhət bilirsə, elə də olmalıdır. Dövlətin bir çox məsələlərlə bağlı bildiklərini biz bilə bilmərik. Dövlət də xalqın firavanlığı üçün çalışır”.

 

Bunu Modern.az-a açıqlamasında  keçmiş deputat Hacı Qalib Salahzadə Mübariz Qurbanlının fikirlərinə münasibət bildirərkən deyib.

 

O bildirib ki, bəziləri dindən başqa məqsədlər üçün istifadə edir.

 

“Bir də görürsüz ki, din pərdəsi adı altında çirkli işlərlə məşğul olurlar.  Məhərrəmlik ayında dindən başqa məqsədlərlə istifadə edirlər. Bunun qarşısını almaq lazımdır, ya yox?!

 

Qalib Salahzadə Məhərrəmlik ayında dini ayinləri icra edərkən hansısa məscidə getmədiyini vurğulayıb.

 

“İbadətlə məşğul olmaq hər bir müsəlmanın işidir. Mən də istisna deyiləm. Amma, Məhərrəmlik ayında hansısa məscidə yollanıb dini ayinlər icra etmirəm. Əvvəla, bunu evimdə edirəm. Namazımı qılarkən Allahımla təmasda oluram. Bu, şəxsi məsələdir. Şərt deyil ki, məşğul olduğum ibadəti hamı bilsin. Hər kəs özü üçün ibadət edir.  İkincisi məscidə yollanmağa vaxtım olmur”.

 

Roma papası Fransiskin səfərini şərh edən eks-deputat bəzi məqamları da diqqətə çatdırıb.

 

“Dünən Roma papası Azərbaycana səfər edib. Bəzilərimiz baxıb “Roma papasıdır da, gəlib getdi” deyir. Əslində, dünya Azərbaycana baxır. Azərbaycanın tolerant mövqeyi, nüfuzunu bir az da qaldırır.  Roma papasının səfəri bütün xristian dünyası, eləcə də, digər dinlərin nümayəndələrinin marağına səbəb olub. Yəni müsəlman dövlətində bu cür görüş keçirilir. Bu, sıradan səfər deyil.

 

Eyni zamanda, bütün dinlərin daxilində ayrıseçkilik hallarına rast gəlmək mümkündür. Bir də görürsünüz ki, Avropa dövlətlərinin sülhsevər olduğunu deyirlər. İngiltərə ilə Fransa arasında 100 illik müharibə olub. Bu da tarixdir. Avropa dövlətləri hər zaman demokratiyadan danışmaqlarına baxmayaraq, öz yanlışlarını görmürlər”

 

Qeyd edək ki, Qalib Salahzadə, Qafqaz Müsəlmanları İdarəsinin sədri Allahşükür Paşazadənin qudasıdır.

cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.