“Danışıqlar öz nəticəsini verməsə..." - Rufiz Qonaqov
Beynəlxalq Münasibətlərin Araşdırılması Mərkəzinin sədri Rufiz Qonaqov Mia.az-a açıqlamasında bildirib ki, Ermənistanın atəşkəsi tez-tez pozmasının başlıca məqsədi, daxildəki ictimai siyasi vəziyyətin gərgin olmasından irəli gəlir:
"Prezidentin xalq tərəfindən dəstəklənməməsi fonunda baş vermiş hadisələrdir. Atəşkəsi pozmaqla Ermənistandakı gərginləşmiş ictimai siyasi vəziyyəti müharibə fikrinə yönəltməyə çalışırlar. Digər tərəfdən, Ermənistana aydındır ki, torpaqları uzun müddət işğal altında saxlaya bilməyəcək.
Ordumuzun gücü ortadadır. Azərbaycan Prezidenti 31 dekabr çıxışında da bir daha bəyan etdi ki, artıq Azərbaycan torpaqlarını qısa müddət ərzində azad etmək əzmindədir. Müdafiə nazirinin də son çıxışları ona xidmət edir ki, ordumuz torpaqları hərb yolu ilə azad etməyə hazırdır. Təbii ki, müəyyən zamana qədər diplomatik danışıqlar öz nəticəsini verməsə, hərb yolu seçiləcək.
Ötən il Ermənistanın atəşkəsi intensiv pozması nəticəsində Azərbaycan ordusunun cavabı Ermənistanı Rusiyaya sığınma məcbur etmişdi. Yəni, Ermənistan gözəl başa düşdü ki, Rusiyasız nəsə edə bilməz. Rusiyanın və Minsk qrupu Ermənistanı müdafiə edəcəklərsə, problemdə nəyəsə nail olmaq müşkül məsələdir. Belə olduğu təqdirdə yəqin, Azərbaycanın hərb yolundan başqa variantı qalmayacaq”.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
