Ermənistan - Azərbaycan qoşunlarının təmas xəttində baş verən son hadisələr İrəvanın təhlükəsizliklə bağlı Moskvaya bağladığı ümidləri tam öldürdü.
ANS PRESS-in məlumatına görə, bu fikir Ermənistanın tanınmış analitika portalı “Lragir”in redaksiya heyəti tərəfindən bu gün hazırlanmış “Başı əhlət daşına vurmağın vaxtı çatıb” məqaləsində vurğulanır.
“Spekulyasiya edilən təhlükəsizlik ideyası ya aldadılma idi, ya da bilərəkdən uydurulmuş yalan”,- deyə məqalədə Ermənistanın Avrasiya İttifaqına daxil olması ərəfəsində Serj Sarkisyanın komandası tərəfindən edilən vədlər yada salınır.
Dolayısı ilə Ermənistanın sahibinin Moskva olduğu vurğulanan məqalənin müəllifləri bildirir ki, beynəlxalq mövqeyi zəifləmiş Rusiya Türk Dünyasının, o cümlədən Azərbaycanın tələblərinə tabe olmalıdır.
“Rusiyanın Türkiyə, Qazaxıstan və Azərbaycanla mehriban olmaqdan başqa yolu qalmayıb. Qərbin təzyiqi də onları həmfikir edir.
Təbii ki, bü məsələdə Rusiyanın əlində olan əsas açar Qarabağ münaqişəsi və Ermənistandakı vəziyyətdir”, - deyə məqalə müəllifləri qeyd edirlər.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
