“Lənkəranski” nin qətlinin üstü açıldı-ortada nə killer var, nə sübut...
Avqustun 17-dən 18-nə keçən gecə Türkiyədə öldürülən məşhur azərbaycanlı “qanuni oğru” Rövşən Canıyevin (“Lənkəranski”) qətlinin sifarişçiləri ilə bağlı daha bir iddia yayılıb. Rusiyanın crimerussia.ru saytının xəbərinə görə, “Lənkəranski”ni “göyərti kralı” Canpolad Şamiloğlunun qisasını almaq üçün öldürüblər.
Rus mediası məlumatı Rusiya hüquq-mühafizə orqanlarına istinadən yayıb. Bildirilir ki, Rusiya hüquq-mühafizə orqanları aydınlaşdırıblar ki, “Lənkəranski”nin qətli 2016-cı ilin mart ayının 16-da Canpolad Şamiloğlunun Moskvada güllələnməsi ilə birbaşa bağlıdır. Ortada isə bunu sübut edə biləcək nə fakt, nə həbs edilən var...
Sayt “Rosbalt”a istinadən yazır ki, “Lənkəranski”nin İstanbuldakı qətli Rusiya Federasiyasının kriminal dünyasında güc bölgüsünə təsir etdiyi üçün onun ölümünün araşdırılması ilə bu ölkənin xəfiyyələri də məşğul olublar. Operativ əməliyyat yolu ilə onlar bu cinayətin üstünü açıblar. Canpolad Şamiloğlunun qətli araşdırılarkən məlum olub ki, onun aradan götürülməsi üçün “qanuni oğru” R.Canıyevin qruplaşmasından iki killer cəlb olunub. Həmçinin xəfiyyələr aydınlaşdırıblar ki, Canpoladın aradan götürülməsi tapşırığını onunla münaqişədə olan “Lənkəranski” şəxsən veribmiş.
Bəs “göyərti kralı” adlandırılan Canpoladla “Lənkəranski”nin bölə bilməyəcəyi nə olub ki, tərəflər düşmənə çevriliblər? İş ondadır ki, Canpolad Şamiloğlu uzun müddət “Lənkəranski”nin nəzarət etdiyi bazarlara göy-göyərti verirmiş. Amma qətlindən bir müddət əvvəl o, “Lənkəranski”nin nəzarət etdiyi bazarlara göyərti təminatını həyata keçirməkdən imtina edib. Hələ o vaxt Rusiya mətbuatı yazırdı ki, Canpolad Şamiloğlu bu addımı Aslan Usoyan (“Ded Xasan”) klanının-konkret olaraq Zaxari Kalaşov (“Şakro Molodoy”) və Vaqif Süleymanovun (“Vaqif Bakinski”) diktəsi ilə atıb.
2015-ci ildə “Lənkəranski”nin Moskvadakı topdansatış bazarlarına “Şakro Molodoy”un qruplaşmasına daxil olan Vaqif Süleymanov müdaxilələr etməyə başlayıb.
“Lənkəranski”nin nəzarətində olan bazarlarda meyvə-tərəvəzin topdansatışı ilə məşğul olan biznesmenlərə hədə-qorxu gəlməklə özlərinin nəzarətində olan bazarlara yönləndirmək cəhdləri olub. “Lənkəranski”nin yaxın ətrafının gözlənilən reaksiyası da çox da gecikməyib. Vaqif Süleymanovun planında əsas rol alanlardan biri, böyük maliyyəyə sahib olan biznesmen Canpolad Şamiloğlu öldürülüb.
Canpolad ötən il martın 16-da Slavyanski bulvarı yaxınlığındakı evinə gəlib. Maşını dayanacaqda saxladıqdan sonra evinə qalxmaq istəyib. Amma dayanacaqdan evinə qalxan lift xarab olub. Bildirilirdi ki, lifti onun qatilləri xarab edib. Bu səbəbdən də o, dayanacaqdan çıxıb evinin girişinə doğru irəliləyib. Bu zaman isə killer ona tərəfə qaçıb və tapançadan atəş aşmağa başlayıb. Aldığı güllə yaralarından o, yerindəcə keçib.
Bundan sonra Canpolad Şamiloğlunun qohumları və silahdaşları da öz araşdırmalarının gedişatında qətlin arxasında “Lənkəranski”nin olduğu qənaətinə gəlmiş və ondan qisas alınacağını bildirərək, barəsində ölüm hökmü vermişdilər.
Qeyd edək ki, bundan əvvəl də “Lənkəranski”nin qətlinin digər azərbaycanlı “Qoca Bakinski” ləqəbli Əlibalaba Həmidovun avqustun 18-də İstanbulda vəhşicəsinə qətlə yetirilməsi ilə də əlaqələndirmişdilər. Bildirilirdi ki, “Lənkəranski”nin “Qoca”nın üçüncü ildönümü günündə güllənməsi qisas aktı ola bilər.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.