Ermənistanda bir ailənin yeddi üzvünü qətlə yetirməkdə təqsirləndirilən rus əsgəri Ermənistan torpağında mühakimə olunacaq. Ancaq medianın yazdığına görə, onun işinə Rusiya hərbi məhkəməsi baxacaq.
Yanvarın 20-də yayılan xəbər çətin ki, etirazçıları sakitləşdirə bilsin. Onlar Valery Permyakov-un Ermənistana təhvil verilməsini tələb edirlər.
Rusiya Təhqiqat Komitəsinin sözçüsü Vladimir Markin deyib ki, istintaq "Ermənistan torpağında aparılacaq". Ancaq o, əlavə edib ki, prosedur beynəlxalq hüquq, Rusiya qanunvericiliyi, Rusiya və Ermənistan arasında sazişlərlə tənzimlənəcək. Permyakov Rusiyanın Gümrüdə yerləşən hərbi bazasında xidmət keçirdi.
Rusiyanın Novaya Gazeta qəzeti və kavkaz-uzel.ru saytı Ermənistan hökumətindəki mənbələrə əsasən yazıb ki, məhkəməni Ermənistanda Rusiya hərbi tribunalı aparacaq.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
