banner
banner

Gündəm

Ermənilər Dilqəm Əsgərova iynə vururlar - Girovun oğlu narahatdır - MÜRACİƏT

Ermənilər Dilqəm Əsgərova iynə vururlar -

3 ilə yaxındır ki, erməni girovluğunda saxlanılan Dilqəm Əsgərovun səhhətində ciddi problem yaranıb.

Bu haqda Modern.az-a onun oğlu Kürdoğlu Əsgərov məlumat verib.

K.Əsgərov bu barədə dövlət və qeyri-dövlət qurumlarına müraciət etdiyini bildirib:

“Amma heç bir nəticəsi yoxdur. Atam sonuncu məktubunda xəstə olduğunu bildirib. Atam yazb ki, ürəyində, başında və ayağında olan xəstəliklərə görə, hər gün ona 3 iynə vururlar”.
K.Əsgərovun sözlərinə görə, atasına vurulan iynələrin nə olduğunu bilmirlər, bəlkə də həmin dərmanlarla onun ömürünü qısaltmağa çalışırlar.

Girovun oğlu Qırmızı Xaç Komitəsinin fəaliyyətinin sıfıra bərabər olduğunu deyib:

“Bu necə beynəlxalq təşkilatdır ki, 3 ildir hansısa fəaliyyətə nail ola bilməyib?! Atamın 3 il girovluqda qalmasına, mənəvi və psixoloji təzyiqlərə məruz qalmasına göz yumurlar.

2 ildir Avropa Məhkəməsinə müraciət etmişik. İşə hələ də baxılır. İnsan haqları deyilən bir şey yoxdurmu?! Nəyə görə mənim atama günahsız yerə 86 il iş verilib?! Nədir mənim atamın günahı, vətənini sevməkmi?!

Mən bir daha Azərbaycan Respublikasının Prezidenti, cənab İlham Əliyevə müraciət edərək, atamın girovluqdan azad edilməsi üçün kömək istəyirəm. Ümidim yalnız cənab Prezidentədir”.

 

K.Əsgərov bu açıqlaması ilə dünyaya mesaj verdiyini deyib: “Artıq mənim səbir kasam dolub, səbrim tükənib. Bundan sonra olacaqlara cavabdeh deyiləm. Mən atamı istəyirəm”.

2014-cü il iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər. Onlarla birlikdə olmuş Azərbaycan vətəndaşı Həsən Həsənov güllələnərək öldürülüb. H. Həsənovun meyiti düşməndən alınaraq Bakıda dəfn edilib. 

İşğal altındakı Dağlıq Qarabağda D. Əsgərov və Ş. Quliyevə “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.