Türkiyə baş nazirinin müavini Bülent Arınç Birləşmiş Millətlər Təşkilatının (BMT) Cenevrədəki ofisində keçirilən BMT insan hüquqları şurasında çıxış edib.
ANS PRESS-in məlumatına görə, Türkiyə - Ermənistan münasibətlərindən danışan Arınç, sülh tərəfdarı olduqlarını vurğulayıb.
Erməni jurnalist Hrant Dinkin ölüm ildönümü ilə əlaqədar ötən həftə baş nazir Əhməd Davudoğlunun mesaj yaydığını xatırladan rəsmi Ankara təmsilçisi bunun, həmin məsələyə nə qədər əhəmiyyət verdiklərinin isbatı olduğunu bildirib.
Baş nazirin müavini qeyd edib ki, Ermənistanla münasibətlərin üfüqündə sülh və dostluq var.
Xatırladaq ki, daha əvvəl də rəsmi Ankara bu cür xoşməramlı mesajlar verməsinə baxmayaraq rəsmi İrəvan qondarma “soyqırımı” iddialarından əl çəkməyəcəyini vurğulayıb.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
