Harvard Universitetinin alimləri şəkərli diabetin müalicəsində əsl inqilab sayılacaq kəşfə imza atıblar. Milli.Az bildirir ki, onlar özü insulin yaradan hüceyrə köçürməyi öyrəniblər.
Embrional lülə hüceyrələrindən istifadə edərək alimlər böyük miqdarda insulin yaradan insan hüceyrələri yarada biliblər. Bu hüceyrələr mədəaltı vəzin hüceyrələri ilə tamamilə identikdir. Belə hüceyrələrin transplantasiyası sayəsində birinci tip şəkər xəstələri gündəki insulin ineksiyasından azad olacaqlar.
Ömrünün 23 ilini bu tədqiqata həsr edən professor Duq Melton deyib ki, tədqiqat sona çatmaq üzrədir: "Biz hazırda preklinik tədqiqatlar mərhələsindəyik, finişin bir addımlığında"
Meltonun kiçik oğlunda 23 il əvvəl birinci tip şəkərli diabet aşkarlandıqdan sonra bu tədqiqata başlamışdı.
Şəkərli diabet qanda şəkərin yüksək olmasıdır. Daha doğrusu şəkərli diabet bir xəstəlik olmayıb, xəstəliklər qrupudur. Ümumdünya Səhiyyə Təşkilatının qəbul etdiyi şəkərli diabetin təsnifatına uyğun olaraq, onun bir neçə növdən ibarət olduğunu qeyd edə bilərik. Şəkərli diabet, əsasən, I və II tip olur. Bundan əlavə diabetin digər nadir və spesifik növləri - genetik defektlə, mədəaltı vəzi ilə, bəzi endokrin xəstəliklərlə (hipofiz, böyrəküstü vəzi, qalxanvari vəzi), bəzi dərman preparatlarının qəbulu ilə əlaqədar müşahidə olunan növləri təsadüf edilir.
Diabetlə xəstələnmə göründüyündən daha çox təsadüf edilir. Hal-hazırda dünyada 150 milyondan çox qeydiyyatda olan şəkərli diabetli xəstə vardır.
Ekspertlərin rəyinə görə, ilkin mərhələsi nəzərə alınması şərti ilə aşkar olunmamış şəkərli diabet aşkar olunmuş diabetə nisbətən 2-3 dəfə daha çoxdur. İnkişaf etmiş ölkələrdə bu xəstəliklə xəstələnmə 4-5%, inkişafda olan ölkələrdə isə 10 % və daha çoxdur. Əlbəttə ki, bu insanların əksəriyyəti (90 %-dən çox) piylənmə ilə əlaqələndirilən II tip şəkərli diabetdir. Bəzən hətta şəkərli diabet epidemiyası haqqında da danışırlar.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
