Eldar Mahmudov barəsində rəsmi araşdırma başlayır - Diqqətlər Baş Prokurluğa yönəlib
Məhkəmə tərəfindən xüsusi qərardad çıxarılması və cinayət tərkibilə bağlı prokurorluğa göndərilməsi həmin şəxs barəsində cinayət işi başlanması demək deyil.
Bu barədə cia.az-a tanınmış vəkil Cavad Cavadov sabiq milli təhlükəsizlik naziri Eldar Mahmudovun və həmin nazirliyin baş istintaq idarəsinin rəisi olmuş Movlan Şıxəliyevin barəsində cinayət işinin başlanması barədə xüsusi qərardad çıxarılması və prokurorluğa göndərilməsini şərh edərkən deyib.
Vəkilin sözlərinə görə, həmin şəxsin barəsində göstərilən xüsusatlar üzrə araşdırma başalanacaq:
“Araşdırma nəticəsində cinayət işi başlana da bilər, cinayət işi başlanması rədd də oluna bilər”.
C.Cavadov bildirir ki, məhkəmənin çıxardığı qərardad vətəndaş şikayətinə bərabərdir:
“Cinayət Prosessual Məcəlləsinin 207-ci maddəsinə uyğun olaraq çıxarılan qərardad vətəndaşın şikayətinə bərabərdir. Qanunla həmin qaydada da araşdırma aparılmalıdır. Ümumi nəzər saldıqda belə şikayətlər prokurorluqda çoxdan var idi. Hazırkı mərhələdə məhkəmənin belə qərar çıxarmasının arxasında nələrin dayandığını demək çox çətindir. Amma bu, cinayət işi açılır, Eldar Mahmudov və Movlan Şıxəliyev həbs olunacaq demək deyil. Bu prokurorluğun qərarından asılı olacaq. Bildiyiniz kimi bu, prokurorluğun müstəsna hüququdur.
Yəni məhkəmənin belə qərar çıxarması şəxslər barəsində mübahisəsiz olaraq cinayət işi başlanacaq və məsuliyyətə cəlb olunacaqlar anlamına gəlmir.
Qaydalara görə, prokurorluq bir ay müddətində məhkəmənin xüsusi qərarla bağlı müraciətinə cavab verməlidir. Şəxslər barədə cinayət işi açılıb-açılmamasını prokurorluq açıqlayacaq. Bu, prokurorluğun səlahiyyətindədir. Məhkəmənin qərardadına prokurorluq tərəfindən müsbət cavab verilməsə, yuxarı prokurora məlumat verə bilər. Amma indiki şəraitdə prosessual araşdırmaya rəhbərliyi Baş prokuror həyata keçirdiyinə görə, cinayət işi başlanmasa, məhkəmənin təkrar müraciət etmək imkanı qalmayacaq”.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.