Beta-talassemiyadan əziyyət çəkən Gülay Aslanlının köməyə ehtiyacı var.
3 yaşlı körpənin anası Zəhra Aslanlı bildirib ki, onun sağalması üçün külli miqdarda pul lazımdır: “Gülaya 5 ayında Beta talasemiyanın ağır forması diaqnozu qoyuldu. O gündən hər 22-25 gün arası qan köçürülür. Gülay indi 3 yaş 3 aylıqdır. Gülayın bacı-qardaşı yoxdur. Ona görə də talassemiya mərkəzində dövlət hesabına əməliyyat etdirə bilmirik. İki dəfə uşaq xəstə olduğu üçün hamiləliyim yarımçıq qalıb. Ona görə də Gülay təkdir. Bacı-qardaşı olmadığı üçün yad donor axtarışı verməliyik. Əgər yad donor tapılsa, əməliyyata 120-130 dollar istəyirlər. Dünya donor bankından yad donor axtarışı vermək üçün 7000 dollar tələb edirlər. Dedilər ki, əgər 6 ay ərzində əməliyyat etdirməsəniz, 2500 dollar cərimə olunacaqsınız. Cəriməni ödəməsəniz 5 il donor bankından istifadə etməyiniz qadağan olunacaq. Azərbaycanda da donoru yoxlatmaq olmur, bunun üçün Türkiyəyə getməliyik. Hazırda çox çətin vəziyyətdəyik. Indiyə kimi özümüz qızımızı müalicə etdirməyə çalışmışıq. Artıq imkanımız buna imkan vermir. Balamı əzab çəkən vəziyyətdə görəndə məhv oluram. Ona görə də hamıdan kömək istəyirəm. Dama-dama göl olar. Kimin nəyə gücü çatırsa, bizə kömək etsin”.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.