banner
banner

Gündəm

Ankara dərin siyasi dəyişikliklər ərəfəsində: Kadir Topbaşdan sonra sıra Melih Gökçekə gəldi

Ankara dərin siyasi dəyişikliklər ərəfəsində:

Bu dəqiqələrdə Türkiyə prezidenti Rəcəb Tayyib Ərdoğan Ankara şəhərinin meri Melih Gökçekle prezident sarayında görüşməkdədir.

Musavat.com-un Türkyiə mediasına istinadən verdiyi xəbərə görə, AK Parti qurultayında yenidən sədr seçilən prezident partiya daxilində vəd etdiyi dəyişiklikləri bir-bir həyata keçirməkdədir.

Sentyabr ayının 22-də İstanbul şəhərinin meri Kadir Topbaşın istefasından sonra digər bələdiyyə başqanlarının da onun arxasınca gedəcəyi mətbuatda uzun müddətdən bəri anons edilirdi. Bunların başında isə məhz Ankara böyük şəhər bələdiyyə başqanı Melih Gökçekin adı keçirdi.
Xatırladaq ki, Türkiyə prezidentinə İran səfəri öncəsi Melih Gökçekin vəzifəsindən gedəcəyi ilə bağlı sual veridiyi zaman o, “hazırda bu məsələ gündəmdə deyil. Lakin bunun baş verməyəcəyini də istisna etmək olmaz”, deyə cavab verərək əslində mövqeyini ortaya qoymuşdu.

İndi media mənsubları görüşmənin nəticəsini maraqla gözləyirlər.

Prezidentin Melih Gökçekdən başqa Balıkesir bələdiyyə başqanı Edip Uğurla da görüşdüyü gələn xəbərlər arasındadır.

Qeyd edək ki, Melih Gökçek də Tayyib Ərdoğan kimi, 1994-cü ildə Rifah partiyasından şəhər meri seçilib. Gökçek Rifah partiyasının davamı sayılan Fazilet partiyasının parçalanmasından sonra Ərdoğanın tərəfinə keçib və bu vaxta qədər onun Ankara böyük şəhər bələdiyyə başqanlığına dəyişməz namizədi olub.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.