Ötən gecə Lənkəranın Ürgə kəndində bir ailənin 4 üzvünün halı qəflətən pisləşib.
ANS PRESS-in bölgə müxbirinin verdiyi məlumata görə, axşam yeməyindən sonra Nəcəfovlar ailəsinin uşaqlarının halı pisləşib.
Halı pisləşən Elnur Nəcəfov, Əkbər Nəcəfov, Elnarə Nəcəfov və Xanpəri Nəcəfov ağır vəziyyətdə Lənkəran Mərkəzi rayon Xəstəxanasına yerləşdiriliblər. Ürəkbulama, qaytarma, başgicəllənmə və s. hallarla xəstəxanaya gətirilən uşaqlara ilkin yardım olunub. Həkimlərin səyi nəticəsində uşaqların vəziyyəti normallaşıb.
Ailə üzvləri bildiriblər ki, uşaqları halı pomidor turşusu yedikdən sonra pisləşib. İlkin ehtimala görə, onlar pomidor turşusundan zəhərləniblər. Müayinə götürülüb. Müayinənin nəticələrinə görə, uşaqlarda virus aşkarlanıb.
Hazırda uşaqlar həkim nəzarətindədir. Onların səhhətində ciddi problem yoxdur.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
