Ötən həftə imzalanan atəşkəs sazişinə baxmayaraq Ukraynanın strateji əhəmiyyət daşıyan Debaltseve şəhərində döyüşlər davam edir.
ANS PRESS-in məlumatına görə, separatçılar, Debaltsevenin əksəriyyətini ələ keçirdiklərini, hökumət isə hələ də şəhərə nəzarət etdiyini iddia edir.
Atəşkəsə riayət edilib-edilməməsini izləyən beynəlxalq müşahidəçilər şəhərə daxil ola bilməyiblər.
Bundan başqa, son möhlət bazar ertəsinin sonu olsa da, hər iki tərəf təmas xəttindən ağır artilleriyanın çəkilməsi barədə qaydalara əməl etməyib.
Minsk razılığına görə, tərəflərə silahların geri çəkilməsi üçün iki gün verilmişdi.
Kiyev hakimiyyəti bildirib ki, Debaltsevedə döyüşlər bitməyincə geri çəkilməyəcək.
Separatçılar da qeyd edib ki, Debaltsevedə razılaşmanın qaydalarına əməl edilmir, çünki şəhər mühasirədədir.
Bundan əvvəl, onlar ukraynalı əsgərlərin çıxması üçün dəhliz yaratmağı təklif ediblər, amma bu, yalnız onların silahsız tərk etməsi şərtilə ola bilərdi.
Ukraynanın hərbi komandiri bazar günü deyib ki, separatçılar 112 dəfə atəşkəsi pozub.
Mariupolda da hərbi əməliyyatlar davam edir.
Öz növbəsində Fransa, Almaniya və ABŞ Ukraynanın şərqində təhlükəsizliyin pozulmasından narahatlığını bildirib.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
