Türkiyə Manisa vilayətinin Akhisar rayonunda qadına qarşı zorakılığı nümayiş etdirən növbəti dəhşətli hadisə baş verib. ANS PRESS-in yerli mətbuata istinadən verdiyi məlumata görə, rayon ərazisindəki zeytun bağlarından birində yandırılmış 18-20 yaşlarında qadın cəsədi aşkarlanıb.
Bağ sahibinin xəbər verməsi ilə hadisə yerinə polis idarəsi cinayət axtarışı şöbəsinin əməkdaşları və dedektivlər cəlb olunub. Dəhşətli cinayətlə bağlı bağda və ətrafında dəlil axtarışına başlanılıb, bağ sahibinin ifadəsi alınıb.
Öldürüldükdən sonra yandırıldığı güman olunan qadının cəsədi İzmir şəhəri məhkəmə tibbi ekspertizasına göndərilib.
Qadının əlləri arxada birləşdiyindən, cinayətdən əvvəl onun əllərinin arxadan bağlandığı güman olunur. Faktla bağlı istintaq başladılıb, araşdırmalar davam edir.
Xatırladaq ki, bir neçə gün əvvəl Türkiyə Mersin vilayətinin Tarsus rayonunda da analoji hadisə baş vermiş, Özgecan Aslan adlı tələbə vəhşicəsinə öldürüldükdən sonra yandırılmışdı.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.