"Leyptsiq" 3-cü pillədə, "Ayntraxt" evdə uduzdu - Bundesliqa
Bu gün Almaniya bundesliqasında 13-cü turun daha 2 oyunu keçirilib.
Qol.az-ın məlumatına görə, günün ilk qarşılaşmasında “Leyptsiq” evdə Münhenqladbax “Borussiya”sını qəbul edib. Rəqibini 2 cavabsız qolla məğlub edən meydan sahibləri 3-cü pilləyə yüksəlib. “Leyptsiq”in heyətində Timo Verner (3 və 45-ci dəqiqələrdə) dubl edib. Günün ikinci matçında isə “Ayntraxt” öz meydanında “Volfsburq”a 1:2 hesabı ilə uduzub. Qonaqlara qələbə qazandıran qolları 31-ci dəqiqədə Admir Mehmedi, 68-ci dəqiqədə isə Daniel Qinçek vurub. Frankfurt təmsilçisinin yeganə qoluna isə bundesliqanın bombardiri Luka Yoviç imza atıb. Tura sabah keçiriləcək “Nürnberq” – “Bayer” oyunu ilə yekun vurulacaq.
Qeyd edək ki, turnir cədvəlinin ilk pilləsində 33 xalla Dortmund “Borussiya”sı, ikinci sırada isə 26 xalla Münhenqladbax “Borussiya”sı qərarlaşıb. 25 xalı olan “Leyptsiq” 3-cü, ondan 1 xal az toplayan “Bavariya” isə 4-cüdür.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
