Çempionlar Liqasında mövsümün son püşkatması keçiriləcək
Çempionlar Liqasında 1/4 final mərhələsinin bütün iştirakçıları müəyyənləşib. ONA-nın məlumatına görə, Avropanın 8 ən güclü klubunun bütün diqqətləri püşkatmaya yönəlib.
Qitənin ən nüfuzlu klub turnirində mövsümün sonuncu püşkü martın 15-də atılacaq. İsveçrənin Nyon şəhərindəki tədbir Bakı vaxtı ilə saat 15:00-da başlayacaq.
Mərasimdə 1/4 final və yarımfinal mərhələlərinin püşkatması keçiriləcək. Həmçinin, püşklə İspaniya paytaxtı Madriddəki “Metropolitano” stadionunda keçiriləcək finaldakı nominal meydan sahibi bəlli olacaq.
1/4 finala 5 ölkənin təmsilçiləri yüksəlib. Yalnız İngiltərə 1-dən artıq komanda ilə təmsil olunacaq. Futbolun yaradıcılarının 4 klubu yarımfinalın bir addımlığındadır. Digər ölkələri isə yalnız bir komanda təmsil edəcək.
Bu mərhələdə “Mançester Yunayted”, “Tottenhem”, “Mançester Siti”, “Liverpul” (hamısı İngiltərə), “Barselona” (İspaniya), “Yuventus” (İtaliya), “Ayaks” (Hollandiya) və “Portu” (Portuqaliya) klubları mübarizə aparacaq. Martın 15-dəki tədbirdə kor püşk tətbiq olunacaq. Yəni iştirakçılar reytinq və ölkəsinə görə ayrılmayacaqlar.
Qeyd edək ki, 1/4 final oyunları aprelin 9-10 və 16-17-də, yarımfinal mərhələsi 30 aprel – 1 may və 7-8 mayda keçiriləcək. Final matçı isə iyunun 1-də baş tutacaq.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
