ABŞ prezidenti Donald Tramp 2010-cu ildə somaliyə qarşı tətbiq edilən və 2012-ci ildə Barak Obamanın administrasiyası tərəfindən genişləndirilən sanksiya rejiminin müddətini uzadıb.
Trend-in "TASS"a istinadən verdiyi məlumata görə, bu barədə Ağ Evin yaydığı press-relizdə deyilir.
Məlumatda bildirilir ki, 2010-ci ildə Somaliyə qarşı "fövqəladə vəziyyət" rejimi ölkədə təhlükəsizlik sahəsində vəziyyətin pisləşməsi və davam edən zorakılıq, Somali sahilləri yaxınlığında piratçılıq və silahlı soyğunçuluq aktları səbəbindən tətbiq edilib: "2012-ci ildə "Aş-Şabab" qruplaşmasının əsas gəlir mənbələrindən biri olan kömür ixracının, büdcədən oğurluqların və Somalinin mülki əhalisinə qarşı bəzi zorakılıq aktlarının qarşısının alınması üçün ABŞ prezidentinin fərmanı ilə sanksiyalar genişləndirilib".
Qeyd edilir ki, Somalidəki vəziyyət Birləşmiş Ştatların milli təhlükəsizlik və xarici siyasəti üçün xüsusi və fövqəladə təhlükə yaratmaqdadır.
Sənəddə vurğulanır ki, sanksiyalar rejimi bir il müddətinə uzadılır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.