Rusiyanın Orenburq vilayətində bütöv bir raket qoşunu həyəcan siqnalı ilə ayağa qaldırılıb. Strateji təyinatlı raket qüvvələrlərinin 300 texnikası və 3,5 mindən çox hərbi qulluqçusu döyüş hazırlığı vəziyətinə gətirilib. Bu əməliyyatlar Strateji təyinatlı raket qüvvələrləri komandanının rəhbərliyi altında təlimlər çərçivəsində həyata keçirilir. Qərargahlarda ən yüksək səviyyədə yoxlamalar aparılır, həmçinin komandanlığın və operativ qrupun praktiki bacarıqları nəzərdən keçirilir. Xüsusilə hərbçilərin nə qədər qısa bir zamanda raket silahlarını və texnikanı döyüş hazırlığı vəziyyətinə gətirilmə bacarığı yoxlanılır. Təlimlərə raket qoşunları, diviziya və alaylar cəlb edilib. Təlimlərdə həmçinin şərti düşmənin diversiya qruplarının hərbi hissələrə hücumları canlandırılacaq.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.