Yəməndəki döyüşlərlə əlaqədar xarici ölkə vətəndaşlarının təxliyyəsi davam edir. Yəmənin paytaxtı Sənadan Moskvaya iki təyyarə yola salınıb. Həmin təyyarələrin göyərtəsində 350 nəfərdən artıq adam olub. Onlardan 70-i Rusiya vətəndaşıdır. Qalanları isə Azərbaycan, Özbəkistan, Türkmənistan və digər MDB ölkələrinin vətəndaşlarıdır. Təyyarələrin bu saatlarda Moskvaya çatacağı bildirilir.
Qeyd edək ki, Yəmənin paytaxtı Sənada yaşayan azərbaycanlılar da Azərbaycanın Səudiyyə Ərəbistanındakı konsulluğuna müraciət ediblər. Onlardan bəziləri ölkədən Türkiyə və Rusiya təyyarələri vasitəsilə çıxarılıb. Azərbaycanlıların təxliyyəsi davam edir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.