Boliviyanın keçmiş prezidenti Evo Morales 2020-ci ilin Nobel Sülh Mükafatına namizəd kimi irəli sürülüb.
“Report” “TASS”a istinadən xəbər verir ki, belə bir təşəbbüslə 1980-ci ildə Nobel Sülh Mükafatına layiq görülən argentinalı ictimai xadim və hüquq müdafiəçisi Adolfo Perez Esqivel çıxış edib.
88 yaşlı argentinalı hüquq müdafiəçisi, qərarını Boliviyanın sabiq rəhbərinin ən yüksək dövlət vəzifəsində çalışdığı müddətdə yoxsulluğa, iqlim dəyişikliyinə qarşı mübarizə aparması və sülhün təmin edilməsinə yönəlmiş sosial proqramları uğurla icra etməsilə izah edib.
Qeyd edək ki, ötən ilin oktyabrın 20-də Boliviyada prezident seçkiləri keçirilib. Ali Seçki Məhkəməsi E. Moralesin seçkilərdə qalıb gəldiyini elan edib. Seçkilərin nəticələrinin elan olunmasından sonra Boliviyada etiraz aksiyaları başlayıb. Etirazlar zamanı baş verən toqquşmalarda 3 nəfər ölüb, 380 nəfər xəsarət alıb.
Bundan sonra Evo Morales rəsmən istefa verib və bir müddət sonra Meksikanın siyasi sığınacaq təklifini qəbul edib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.