Türkiyə prezidentinin rəhbərlik etdiyi nümyəndə heyəti bu gün İrana rəsmi səfərə yola düşür. "Report"un məlumatına görə, Rəcəb Tayyib Ərdoğanın təyyarəsi Ankaranın Esenboğa havalimanından Bakı saatı ilə 09.30-da Tehrana uçacaq. Səfər çərçivəsində Türkiyə prezidentinin həmkarı Həsən Ruhani və İranın Ali dini rəhbəri Ayətulla Əli Xameneyi ilə görüşü planlaşdırılır. Prezident Ərdoğan Türkiyə-İran Əməkdaşlıq Şurasının ikinci sammitinə qatılmalıdır. Onun 14 milyard dollar təşkil edən qarşılıqlı ticarətin genişləndirilməsini təklif edəcəyi gözlənilir. İranın nüvə proqramına dair razılığın şərtlərinə görə sanksiyaların yüngülləşdirilməsi ilə Türkiyə mənfəət əldə edəcəyini düşünür. Təhlilçilər hesab edir ki, iki qonşu ölkə arasında düşmənçiliklə əməkdaşlıq arasında balans saxlanılır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.