banner
banner

İdman

Tərlan Əhmədov: "Bu durum bəzi oyunçulara şans yaradacaq"

Tərlan Əhmədov: "Bu durum bəzi oyunçulara şans yaradacaq"

"Biz hər gün onlayn şəkildə məşq keçirik. Hazırkı şəraitdə futbolçunun fiziki durumunu yoxlamaq mümkün deyil. Bu, məşqlər başladığı zaman əzələlərin tonusda qalması və futbolçuların ağırlıq hiss etməməsi baxımından önəmlidir".

Bunu apasport.az saytına "Keşlə"nin baş məşqçisi Tərlan Əhmədov deyib.

Futbolçuların gündəlik məşqlərini izlədiklərini bildirən təcrübəli mütəxəssis Premyer Liqanın mayın 23-də start götürməsi ilə bağlı Peşəkar Futbol Liqasının (PFL) qərarına da münasibət bildirib. 49 yaşlı çalışdırıcı koronavirus pandemiyası ilə əlaqədar karantin rejiminin uzadılmayacağı təqdirdə mayın 4-dən məşqlərə başlayacaqlarını söyləyib: "Təxminən 3 həftə vaxtımız olacaq. Bu müddət futbolçuların fiziki durumunu normaya salmaq və oyuna hazırlamaq üçün kifayət edər. Həmin 3 həftə bizə kömək olacaq. İlk turlarda bütün komandalarda taktiki cəhətdən problemlər olacaq. Amma oyundan-oyuna hər kəs daha yaxşı təsir bağışlayacaq".

Tərlan Əhmədov FİFA-nın matçlar zamanı əvəzləmə sayının 5-ə artırılması ilə bağlı təklifini də müsbət dəyərləndirib: "Əslində yaxşı fikirdir. Belə qərar qəbul olarsa, normal qarşılayarıq. Bunu müsbət hal kimi dəyərləndirirəm. Bu durum bəzi oyunçulara da şans yaradacaq. Çünki daha çox oyun imkanı əldə edəcəklər ki, bu özlərini göstərmək baxımından şans olacaq".

 


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.