“Dini liderlərin birinci vəzifəısi tarixi mübahisələr üzərindən yeni bir insident və nifrət mühiti yaratmaq yox, bəşəriyyəti birliyə, sülhə və bərabər yaşamağa dəvət etməkdir”. Cia.az-ın məlumatına görə, bu sözləri Türkiyənin baş naziri Əhməd Davudoğlu Roma papasının qondarma erməni “soyqırımı” iddialarını şərh edərkən deyib. Davudoğlu açıqlamanın bu cür verilməsinin papaya yaraşmadığını bildirib: “Əgər xarici qüvvələr olmasaydı çox güman ki, 1915-ci ildə baş verən kədərli hadisələr yaşanmayacaqdı. Baş vermiş kədərli hadisələri bir tərəfli görmək, insanların sadəcə bir hissəsinin kədərinə sahib çıxıb digərinin izdırablarını görməmək papaya və onun tutduğu mövqeyə yaraşmadı. Kədərlər, xüsusilə də müharibə dövründə yaşanan kədərlər paylaşıldığı zaman bu izdırabların anlaşıldığı və ədalətli yaddaşla bu izdırablara sahib çıxıldığı zaman sülh mühiti yaranar”. Xatırladaq ki, ötən gün Romadakı Müqəddəs Pyotr kilsəsində ənənəvi mərasimdə Fransisk çıxış edərək, “erməni soyqırımı”nı XX əsrin ilk soyqırımı adlandırıb. Mərasimdə Ermənistan prezidenti Serj Sarkisyan və erməni din adamları da iştirak edib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.