“Rusiya Covid-19 peyvəndləri haqqında yalan informasiya yayır”- İDDİA
Böyük Britaniyanın hərbi komandanlığı Rusiyanın koronavirus əleyhinə peyvəndlər haqqında sosial şəbəkələrdə qəsdən dezinformasiyalar yaydığı barədə bəyanat verib.
Bu barədə “The Guardian” qəzeti məlumat yayıb.
Böyük Britaniya Müdafiə Nazirliyinin Baş qərargah rəisi general ser Nik Karter rəsmi Moskva və Pekinin “Qərbin vəhdətini qırmağa yönəlmiş strategiya” ilə xüsusi şəkildə təbliğat kampaniyası yürütdüyünü iddia edib.
“Policy Exchange” analitik mərkəzində çıxış edən britaniyalı general “avtokratik rəqiblərini” informasiya mühitini manipulyasiya etməkdə suçlayaraq onları Covid-19- dan strateji fayda güdməkdə ittiham edib. “Onların dezinformasiya məqsədilə yaydığı uydurmalar sosial şəbəkələrdə aktiv qruplara daxil olmaq məqsədini daşıyır”,-deyə general bildirib.
Nik Karter bunu rəqəmsal avtoritarizmin nümunəsi adlandıraraq, həmin fəaliyyətin arxasında Kremlə yaxın kiber-haker qrupların durduğunu iddia edib.
Qeyd edək ki, Böyük Britaniya ordusunda şərti düşmənin təbliğat və dezinformasiya siyasətinə qarşı 77-ci briqada fəaliyyət göstərir.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
