banner
banner

Gündəm

Bakıda eşidilən güclü partlayışla bağlı -TƏFƏRRÜAT FOTO VİDEO

Bakıda eşidilən güclü partlayışla bağlı

Bakıda eşidilən güclü partlayış səsi ilə bağlı bəzi təfərrüatlar məlum olub.

Musavat.com xəbər verir ki, Bakının bir çox rayonlarından eşidilən güclü partlayış Abşeron rayonun Xırdalan qəsəbəsi ərazisində baş verib.

İlkin məlumata görə, əraziyə Ermənistan Silahlı Qüvvələri tərəfindən açılan raket zərbəsi havada zərərsizləşdirilib.

İki ardıcıl partlayış səsinin eşidilməsi ermənilər tərəfindən iki raket zərbəsinin endirilməsi ehtimalını gücləndirir.

Hazırda ərazidə ANAMA əməkdaşları tərəfindən araşdırma aparılır.

Ərazi polis əməkdaşları tərəfindən nəzarətdədir. Partlayışın baş verdiyi əraziyə giriş-çıxış məhdudlaşdırılıb.

Əldə etdiyimiz məlumata görə, raket zərbələrindən biri su anbarının ərazisində zərərsizləşdirilib.

Qeyd edək ki partlatış səsləri saat 02:00 radələrində eşidildi.

Partlayışdan sonra hadisənin baş verdiyi əraziyə xeyli sayda insan toplaşıb. Həmin zaman (saat 03:00 radələrində) da Azərbaycan respublikasının prezidenti İlham Əliyevin Azərbaycan xalqına müraciəti yayımlanırdı. Əraziyə toplaşan insanlar prezidentin çıxışını dinlədikdən sonra "Qələbə", "Qarabağ", "Qarabağ Azərbaycandır" şüarları səsləndirərək ərazini tərək ediblər.

Partlayışın baş verdiyi ərazidə müvafiq qurumlar tərəfindən araşdırmalar aparılır.

 

 

 

 

  

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.