İstanbulda PKK/KCK terror təşkilatının üzvlərinin saxlanılması istiqamətində əməliyyat keçirilib.
AZƏRTAC xəbər verir ki, İstanbul Təhlükəsizlik Qüvvələrinin terrorla mübarizə şöbəsi və xüsusi təyinatlı polis dəstəsi tərəfindən birgə aparılan əməliyyat zamanı şəhərin 13 fərqli hissəsində yerləşən müxtəlif ünvanlarda axtarışlar aparılıb, 8 şübhəli saxlanılıb.
Axtarışlar zamanı terror təşkilatına məxsus silahlar, kitablar, rəqəmsal texnika və sənədlər ələ keçirilib.
İstanbulda terror təşkilatlarının üzvlərinin saxlanılması istiqamətində əməliyyatlar davam edir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.