banner
banner

Dünya

İran-ABŞ arasında daha bir qalmaqal

İran-ABŞ arasında daha bir qalmaqal

İranda həbsdə olan ABŞ jurnalistinə qarşı casusluq da daxil olmaqla dörd ittiham irəli sürülüb.

ANS PRESS-in məlumatına görə, Ceyson Rezaiyanın vəkili Leyla Əhsəni "Washington Post" qəzetinə onun “hökumətə qarşı təbliğat” və “düşmən hökumətlərlə əlbir olmaq” ittihamları ilə də qarşılaşdığını bildirib. 

Bundan əlavə jurnalist həmçinin “daxili və xarici siyasətlə bağlı informasiyanın toplanması” və bu məlumatların “bəd niyyətlə” paylaşmasında ittiham edilib.

“Washington Post” qəzetinin baş redaktoru Martin Baron öz bəyanatında gülünc adlandırdığı ittihamlar əsasında jurnalistin 10 ildən 20 ilə qədər həbs cəzası ala biləcəyini bildirib. Bəyanatda deyilir ki, İranın ədliyyə orqanlarının “Washington Post” qəzetinin Tehrandakı müxbirinin casusluq və ya İranın milli təhlükəsizliyinə hədə törədə biləcək fəaliyyətlərlə məşğul olduğunu iddia etməsi tamamilə əsassızdır. Martin Baron bildirib ki, Ceyson Rezaiyan və onun vəkili arasında 90 dəqiqə sürən ilk görüş tərcüməçinin iştirakı ilə bu gün keçirilib.

Qeyd edək ki, 39 yaşlı Rezaiyan və onun jurnalist həyat yoldaşı Yeganeh Salehi keçən il iyul ayında İran təhlükəsizlik qüvvələrinin onların Tehrandakı evində axtarış keçirdikdən sonra həbs edilmişdi. Yeganeh Salehi sonradan azad edilib, lakin həm İran, həm də ABŞ vətəndaşı olan Ceyson Rezaiyan o vaxtdan həbsdə saxlanıb.

Bu arada ABŞ Dövlət Departamentinin sözçüsü Mari Harf rəsmi Vaşinqtonun jurnalistin azad edilməsi çağırışlarını bir daha dilə gətirib. Ağ Ev jurnalistə qarşı ittihamların əsassız olduğunu deyərək, Rezaiyanın dərhal azad edilməli olduğunu bildirib.



Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.