İngiltərə Premyer Liqasında XXIV tur davam edir.
Apasport.az saytının məlumatına görə, bu gün daha 4 oyun keçirilib.
Ortababların duelində “Sauthempton” “Vulverhempton”la görüşdə önə keçsə də, əzmkar qələbə qazanan qonaqlar turnir cədvəlində rəqibi üstələyib.
“Vest Bromviç”in qonağı olan “Mançester Yunayted” autsayderin müqavimətini qıra bilməyib.
Uğursuz mövsüm keçirən “Arsenal” turnir cədvəlindəki qonşusu “Lids”lə dueldən qalib ayrılıb. “Topçular”ın forvardı Pyerr-Emerik Obameyanq bu görüşdə het-trik edib.
Təhlükəli zonada qərarlaşan “Fulhem” isə Liverpulda gözlənilmədən “Everton”u üstələyib.
Tura fevralın 15-də keçiriləcək “Vest Hem” – “Şeffild Yunayted” (22:00) və “Çelsi” – “Nyukasl” (00:00) matçları ilə yekun vurulacaq.
İngiltərə Premyer Liqası
XXIV tur
14 fevral
“Sauthempton” – “Vulverhempton” – 1:2
İnqs, 25 – Neves, 53 (pen.), Neto, 66
“Vest Bromviç” – “Mançester Yunayted” – 1:1
Dian, 2 – Bruno Fernandes, 44
“Arsenal” – “Lids” – 4:2
Obameyanq, 13, 41 (pen.), 47, Belyerin, 45 – Struiyk, 58, Kosta, 69
“Everton” – “Fulhem” – 0:2
Maya, 48, 65
