banner
banner

Gündəm

Yeni ixtisaslar gündəmdədir - Emin Əmrullayev

Yeni ixtisaslar gündəmdədir - Emin Əmrullayev

Təhsil naziri təyin ediləndən təhsil sahəsində həyata keçirmək istədiyim proseslər yaxşı gedir. Biz bir neçə istiqamətdə yeniliklər etməyə çalışırıq.

Trend-in məlumatına görə, bunu təhsil naziri Emin Əmrullayev “Real TV”yə müsahibəsində deyib.

Onun sözlərinə görə, ölkə başçısının qarşıya qoyduğu məqsədlərə uyğun olaraq, ilk növbədə yeni ixtisaslar məsələsi gündəmdədir: “Biz növbəti ildən ali təhsil müəssisələrindəki “Sabah” qruplarında magistratura səviyyəsində yeni ixtisaslar-kibertəhlükəsizlik, informasiya texnologiyaları, kompüter elmləri, şəhərsalma və planlaşdırma-ümumilikdə 7 müxtəlif ixtisaslar üzrə təhsil vermək istəyirik”.

Nazir qeyd edib ki, başqa bir istiqamət peşə təhsili ilə bağlıdır. Peşə təhsilinin həm nüfuzunun qaldırılmasına, həm də peşə təhsilinin insanlarımız üçün nə qədər faydalı olması, qısamüddətli peşə kurslarının fəaliyyəti və yüksək peşə təhsili üzrə kadrların hazırlanması istiqamətində işlər davam etdirilir.

E.Əmrullayev qeyd edib ki, sentyabrdan təxminən 600 şagirdə yeni peşə ixtisaslarının verilməsi nəzərdə tutulur:

Nazir əlavə edib ki, Azərbaycanın “Microsoft” platforması üzərində qurduğu virtual məktəb dünyada ən böyük məktəbdir:

”Təbii ki, ayrı-ayrı sistemlər üzərində nə isə edilib. Amma heç bir ölkədə milli təhsil sistemi olaraq, bundan böyük vahid platforma üzərində virtual məktəb yoxdur. “

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.