Cənubi Koreyanın Baş naziri Li Van Qu sahibkarın intiharından sonra ölkədə alovlanmış korrupsiya qalmaqalının fonunda istefa verib. İddiaya görə, nazir rüşvəti yüksək vəzifəli şəxslərə verib. O, istefa haqqında ərizəni ölkə prezidenti Pak Kın Xeyə təqdim edib. Dövlət başçısı onun ərizəsinə hələ baxmayıb. Baş nazir ərizəsində rüşvət almasını inkar edib. Prezident Pak Kın Xe bundan əvvəl korrupsiya qalmaqalında adı hallanan bütün günahkarların cəzalandırılmasına söz verib. O deyib ki, hakimiyyət orqanlarında korrupsiyanın istənilən təzahürü ilə mübarizə aparacaq.
Koreya sahibkarı Sun Van Çon ötən il avqustun əvvəlində asılmış vəziyyətdə tapılıb. O, ölümünə az qalmış ölkənin ən yüksək hakimiyyət orqanlarında korrupsiya haqqında müsahibə verib. İntihar zamanı onun cibində prezidentə yaxın hesab edilən bir neçə tanınmış siyasətçinin adları olan siyahı aşkarlanıb. Siyahıda onların Sun Van Çondan rüşvət kimi aldıqları məbləğ yazılıb. Onların arasında Cənubi Koreyanın Baş naziri Li Van Qunun adı da var və o, təqribən 27 min dollar alıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.