Ermənistanın baş naziri Nikol Paşinyanın Zəngəzur bölgəsinə səfəri davam edir.
Modern.az xəbər verir ki, erməni KİV-lərinin məlumatına görə, Nikol Paşinyan hazırda Meğri şəhərindədir.
Burada o, xoşagəlməz sürprizlə qarşılanıb. Belə ki, vətəndaşlar onu "Nikol xaindir!", "Nikol türkdür!" şüarları ilə qarşılayıblar.
Etiraz aksiyası polislərlə sakinlər arasında davaya çevrilib.
Sakinlər Paşinyanın şəhər meydanına girməsinin qarşısını almağa çalışıblar.
Paşinyan Meğri şəhəri boyunca yürüş keçirməyə çalışıb. Baş nazir çox sayda təhlükəsizlik işçisinin müşayiəti ilə şəhərdə gəzib.
Yerli sakinlər Paşinyana lənət və təhqir dolu söyüşlər yağdıraraq, onun Meğridən çıxmasını tələb edirlər.
Dava-dalaş zamanı Dövlət Təhlükəsizlik Xidmətinin rəisi Sarkis Ovannisyanın pencəyi cırılıb.
Yerli sakinlər Paşinyanın Azərbaycan Prezidentinin vaxtaşırı təhdidlərinə susmasından qəzəbləndiklərini bildiriblər. Bir gün əvvəl İlham Əliyevin yenidən "Zəngəzur dəhlizi”nin açılacağını bəyan etməsi bölgədə təşvişə səbəb olub.
Qeyd edək ki, baş nazirin Meğri səfəri əvvəlcədən elan olunmamışdı.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.