“BakuBus”da problem - Sağlamlıq imkanları məhdud sərnişinin həyatı təhlükəyə atıldı FOTO VİDEO
Bakıda ictimai nəqliyyatda problemlər bitib-tükənmək bilmir.
Problemlərdən biri də fiziki məhdudiyyətli insanların ictimai nəqliyyatdan sərbəst istifadə edə bilməmələridir.
Belə hadisə bu gün “M3” nömrəli ekspress xətti ilə işləyən “BakuBus” avtobusunda baş verib.
Hadisə şahidlərinin BAKU.WS-in “qaynar xətti”nə verdikləri məlumata görə, “BakuBus” avtobusuna əlil arabası ilə daxil olan sərnişin təhlükəsizlik tədbirləri üçün nəzərdə tutulan kəməri bağlaya bilməyib.
Sonra sərnişinlər sağlamlıq imkanları məhdud sərnişinə kömək etməyə cəhd ediblər. Ancaq bunun da bir xeyri olmayıb. Sonda sürücü sükan arxasında düşərək problemi həll etməyə çalışıb. Lakin bu cəhd də nəticəsiz qalıb. Ən sonda isə vəziyyətdən çıxış yolu kimi təhlükəsizlik kəmərini tutacağa bağlamaqda görüblər. Fiziki məhdudiyyətli sərnişin mənzil başına bu şəkildə çatmalı olub.
Xatırladaq ki, avtobusun orta qapıyla tam üzbəüz girəcəyində əlil arabasında olan fiziki məhdudiyyətli şəxslərin araba ilə dayanmaları üçün oturacaqsız məkan hazırlanıb.
Bu zaman əlil arabası paneldə göstərilən qaydada yerləşdirilir və kəmər vasitəsilə sərnişinin təhlükəsizliyi üçün müvafiq şəkildə avtobusdakı sütuna bərkidilməlidir.
Qeyd edək ki, “M3” xətti üzrə işləyən ekspress avtobuslarında müəyyən texniki problemlər yaşanır. Bu avtobus xətti “28 may” metrosu ilə “Koroğlu” metrostansiyası istiqamətində işləyir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
