Kiyevdə Avropa İttifaqı (Aİ) ilə Ukrayna arasında Sammit keçirilir. Kiyev sammitində Ukrayna prezidentinin atəşkəsə nəzarət üçün Avropa sülhməramlılarının yerləşdirilməsi ilə bağlı xahişinə baxılır. Ekspertlərin fikrincə, bu sammit ötən il Avropa İttifaqı ilə Ukrayna arasında Assosiasiya razılaşması qüvvəyə mindikdən sonra təşkil olunan ilk mühüm tədbirdir. Həmin razılaşma keçmiş prezident Viktor Yanukoviç devriləndən sonra imzalanıb.
Sammitdə iştirak üçün Kiyevə gələn Avropa İttifaqı ölkələrinin liderləri bu gün Prezident Pyotr Poroşenko ilə xüsusi görüşəcəklər. Danışıqlarda bu ilin fevralında əldə edilmiş Minsk atəşkəs sazişi əsas müzakirə mövzusu olacaq. Ümumiyyətlə, Minsk sazişindən sonra zorakılıqlar halları azalsa da, hökumət qüvvələri ilə separatçılar tərəfindən atəşkəsin pozulması qeydə alınır. Ötən gün Ukrayna ordusu 1 əsgərinin öldürüldüyünü, 7-nin yaralandığını bildirib. Xatırladaq ki, Aİ liderləri bu ilin martında Minsk sazişi tam yerinə yetirilənədək Rusiyaya qarşı iqtisadi sanksiyaların qaldırılmaması barədə razılığa gəliblər.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.