Ermənistan Qaragöl ətrafında “itkin düşən” 2 hərbçisini hələ də tapa bilmir
Ermənistan Müdafiə Nazirliyi iyulun 14-də qatı duman şəraitində Azərbaycanla sərhəddə, Laçın rayonundakı Qaragöl ətrafında itkin düşən iki hərbi qulluqçusunu hələ də tapa bilməyib.
Virtualaz.org erməni KİV-lərinə istinadən xəbər verir ki, nazirlik hərbi qulluqçular Artur Nalbəndyan və Aramais Torozyanın axtarışlarının nəticə vermədiyini bildirib.
“Hələ xəbər yoxdur. Axtarış işləri davam edir, o cümlədən Rusiya tərəfinin vasitəçiliyi ilə”,-Müdafiə Nazirliyindən belə deyiblər.
Bundan əvvəl Ermənistan Müdafiə Nazirliyi bildirmişdi ki, hərbçilərin Azərbaycan tərəfinə keçə biləcəyi ehtimalı nəzərə alınaraq Rusiya tərəfinin vasitəçiliyi ilə müzakirələr aparılır. Bildirilir ki, Nalbəndyan və Torozyan itkin düşərkən silahsız olublar.
Erməni ekspert, “Enekt” analitik mərkəzinin rəhbəri Tiqran Abramyan deyir ki, ölkənin hərbi-siyasi rəhbərliyi 12 gündür iki hərbçinin taleyi ilə bağlı heç bir tutarlı məlumat verə bilmir. Bu da Ermənistan ordusundakı acınacaqlı vəziyyəti bir daha ortaya qoyur.
Abramyan bu insidenti dövlət sərhədinin Laçın-Kəlbəcər istiqamətində yerləşdirilmiş erməni bölmələrinin hansı acınacaqlı vəziyyətdə olduğu barədə cəmiyyətə “təhlükəli siqnal” göndərdiyini qeyd edir. Bildirir ki, hakimiyyət guya orduda islahatlar apardığını bildirir, əvəzində isə, digər sahələrdə olduğu kimi, ordunun da “sıfırlanması” prosesi gedir.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
