banner
banner

İdman

Fəridə Əzizova: "İstədiyim nəticəni əldə edə bilmədim"

Fəridə Əzizova: "İstədiyim nəticəni əldə edə bilmədim"

"İstədiyim kimi döyüşə bilmirdim. Yarışa üç həftə qalmış sol ayağımdakı əzələm cırıldı. İkinci dərəcəli yırtıq var idi. Son vaxtlar lazım olan məşqləri edə bilmirdim".

"Report"un məlumatına görə, bu fikirləri Azərbaycan taekvondoçusu Fəridə Əzizova Tokio-2020 Yay Olimpiya Oyunlarındakı çıxışı barədə danışarkən deyib.

67 kq çəki dərəcəsində mübarizə aparan idmançı 1/8 final mərhələsində ABŞ təmsilçisi Peyc Makfersona uduzduğu üçün təəssüfləndiyini bildirib.

Əzizova koronavirus pandemiyası səbəbindən uzun müddət məşqsiz qaldıqlarını xatırladıb: "Düşünürəm ki, peşəkar idmançı üçün bir ildən çox məşqsiz qalmaq çətindir. Hər gün iki dəfə məşq etməyə öyrəşən idmançılar yenidən formaya düşməyə çətinlik çəkir. Hər kəs olimpiadaya 4 il hazırlaşır. Bu dəfə isə məlum məsələlərə görə 5 il oldu. 5 il hazırlaşırıq ki, döşəyə çıxıb 6 dəqiqə vuruşaq".

Taekvondoçu məğlubiyyətə görə ən çox üzülən tərəfin özləri olduğunu söyləyib: "Çünki ən çox əziyyəti çəkən ilk növbədə idmançılardır, sonra isə məşqçilərdir. Olimpiadadakı nəticəyə baxmayaraq karyeramı bitirməyi düşünmürəm. Növbəti Yay Olimpiya Oyunlarına 3 il qalıb. Fransadakı yarışa da lisenziya qazanacağıma inanıram. Məni sevən və dəstək olan hər kəsə təşəkkür edirəm. Üzürlü sayın, növbəti dəfə də təəssüflər olsun ki, istədiyim nəticəni əldə edə bilmədim. Mənə hər zaman dəstək olduğunuza görə çox sevinirəm".

 


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.