Türkiyədə keçirilən “Vodafone Freezone” 18-ci litseylərarası musiqi müsabiqəsi bu il mayın 9-da İstanbul “Bostancı” göstəri mərkəzində baş tutacaq. Cia.az-ın məlumatına görə, müsabiqənin finalında Türkiyə şou-biznesinin güclü səslərindən Nilüfər də səhnəyə çıxacaq. Bildirilir ki, bu səhnənin müğənni Nilüfər üçün xüsusi bir özəlliyi var. Belə ki, Nilüfər 40 il bundan əvvəl 15 yaşında ikən məhz bu səhnədə müsabiqənin qalibi olaraq sənət dünyasına addım atıb. Ötən il də “İdeal müğənni” titulunu qazanan sənətçi litsey şagirdlərini müsabiqəyə qatılmağa dəvət edib. “Musiqi bizim nəfəs almaq, həyatı başa düşmək və başa salmaq tərzimizdir. Gənclər qorxmayın, alətlərinizi götürün, müsabiqədə iştirak edin və xəyallarınız həqiqətə çevrilsin”.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
