““3+3” formatı çərçivəsində işləmək bizə asan olmayacaq” - Gürcüstan XİN
““3+3” formatı çərçivəsində işləmək Gürcüstan üçün asan olmayacaq, lakin ölkə nəhəng geosiyasi layihələrdə hansısa formada təmsil olunmalıdır”.
Cia.az xəbər verir ki, bunu Gürcüstanın xarici işlər naziri David Zalkaliani Gürcüstanın İctimai Televiziyasına verdiyi müsahibəsində deyib.
“Rusiya qoşunlarının Abxaziya və Sxinvali bölgəsindən (Cənubi Osetiya - red.) çıxarılması məsələsi ilə bağlı irəliləyişin olmaması Tbilisinin tam iştirakına maneə rolunu oynayır. Buna baxmayaraq, Gürcüstan regional proseslərdən geri qalmamalıdır və infrastruktur da daxil olmaqla yeni layihələrdə iştirak vacibdir. Əks halda, bu layihələr ölkədən yan keçə bilər”, - deyə D. Zalkaliani deyib.
Xatırladaq ki, Rusiyanın xarici işlər naziri Sergey Lavrov iranlı həmkarı Hüseyn Əmir Abdullahian ilə keçirdiyi birgə mətbuat konfransında bildirib ki, tərəflər Ermənistan, Azərbaycan, Gürcüstan, İran, Rusiya və Türkiyənin iştirakı ilə “3+3” formatının yaradılması imkanlarını müzakirə ediblər. Lavrov qeyd edib ki, İran, Türkiyə və Azərbaycan sözügedən təşəbbüsə müsbət yanaşmaya sahibdirlər. Ermənistan tərəfi ilə isə danışıqlar hələ davam edir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.