“Donbassda münaqişənin sülh yolu ilə həlli prosesində irəliləyişin olmamasına görə Rusiya məsuliyyət daşıyır”.
Cia.az-ın xəbərinə görə, bunu Ukrayna Prezidenti Vladimir Zelenski Avropa İttifaqı (Aİ) Şurasının və Avropa Komissiyasının prezidentləri ilə birgə keçirdiyi mətbuat konfransında deyib.
“Biz Avropa İttifaqı ilə birgə bu fikri bölüşürük ki, Rusiya Federasiyası Donbassda münaqişənin sülh yolu ilə həllində irəliləyişin olmamasına görə məsuliyyət daşıyır. Rusiya bu münaqişədə tərəfdir. İndi qəbul etdiyimiz birgə bəyanatda da bu öz əksini tapıb”, - Ukrayna dövlət başçısı vurğulayıb.
Ukrayna Prezidenti Aİ-yə Rusiyaya qarşı tətbiq etdiyi məhdudiyyətlərə görə təşəkkür edib. Krımda Rusiya Dövlət Dumasına seçkilərin keçirildiyini xatırladan V. Zelenski bunun qeyri-qanuni olduğunu qeyd edib. O əlavə edib ki, Krımda insan haqları sistematik şəkildə pozulur və bu gözardı edilməməlidir.
Ukrayna Prezidenti ölkəsinin Aİ-nin müdafiə və təhlükəsizliklə bağlı görüşünü dəstəklədiyini və bu istiqamətdə töhfə verməyə hazır olduğunu bəyan edib: “Avropanın təhlükəsizliyi müstəsna dərəcədə Ukraynanın təhlükəsizliyi ilə əlaqəlidir”.
V. Zelenskinin sözlərinə görə, bu gün keçirilən Aİ-Ukrayna Sammitində tərəflər arasında yüksək səviyyədə strateji enerji dialoqunun başladılması barədə razılıq əldə olunub.
Aİ ilə bütün sahələrdə əməkdaşlığı genişləndirməkdə maraqlı olduğunu bildirən V. Zelenski qeyd edib ki, Ukrayna özünü gələcəkdə Aİ-nin və Avropa ailəsinin bir üzvü kimi görür.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.