banner
banner

Gündəm

Ərdoğan hansı səbəbdən Qlazqoya getmədi?

Ərdoğan hansı səbəbdən Qlazqoya getmədi?

Romaya səfərini başa vuraraq oradan Qlazqo şəhərinə yollanmalı olan Prezident Rəcəb Tayyib Ərdoğan Türkiyəyə qayıdıb.

Cia.az Türkiyə KİV-nə istinadən xəbər verir ki, Ərdoğan və onu müşayiət edən heyəti daşıyan özəl təyyarə yerli vaxtla 01:20-də Atatürk Hava Limanında eniş edib.

Türkiyə mediası Ərdoğanın hansı səbəbdən Birləşmiş Millətlər Təşkilatının İqlim Dəyişikliyi üzrə 26-cı Konfransında (COP26) iştirak etməkdən imtina etdiyi barədə məlumat verməyib. Lakin bununla yanaşı, “Reuters” agentliyi Ərdoğanın protokolla bağlı yaranan problemə görə səfərini təxirə saldığını yazıb.

 

Türkiyəli yüksək rütbəli bir məmurun sözlərinə görə, səfərin təxirə salınmasına səbəb Türkiyənin protokol və təhlükəsizliklə bağlı tələblərinin Böyük Britaniya tərəfindən tam yerinə yetirilməməsi olub. 

“Təhlükəsizlik üçün tələb olunan avtomobil sayı və təhlükəsizliklə bağlı digər bəzi tələblərimizin tam olaraq qarşılanmaması səbəbindən cənab Prezident belə bir qərar verdi. Biz də belə vacib bir sammitdə iştirak etməyə əhəmiyyət verirdik, lakin bunu etmək lazım gəldi”, - deyə məmur əlavə edib.

Qeyd edək ki, Ərdoğan Romada oktyabrın 30-dan 31-nə qədər keçirilən G20 sammitində iştirak edib. Türkiyə Prezidentinin Şotlandiyanın Qlazqo şəhərində noyabrın 1-12-sində Birləşmiş Millətlər Təşkilatının İqlim Dəyişikliyi üzrə 26-cı Konfransında (COP26) da iştirak etməsi gözlənilirdi.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.