banner
banner

Gündəm

İcra başçısı oğluna 280 minlik maşını hansı pulla alıb?

İcra başçısı oğluna 280 minlik maşını hansı pulla alıb?

Beyləqanın icra başçısı prezidentin xəbərdarlığına məhəl qoymur. Vaqif Abdullayev ölkə başçısının müşavirədə etdiyi tapşırıqları saymazyana şəkildə qulaqardına vurduğu, oğluna bahalı avtomobil aldığı iddia olunur.

Cia.az "Tia.az"-a istindən xəbər verir ki, rayon rəhbəri bütün edilən xəbərdarlıq və göstərişlərə rəğmən öz bildiyini etməkdədir. V.Abdullayev oğluna “Bugatti” markalı yeni maşın hədiyyə edib. Həmin avtomobilin 280 min manata aldığı söylənir.

İddialara görə, 280 min manata alınmış həmin avtomobil Vaqif Abdullayevin oğluna doğum günü hədiyyəsidir. Xeber-Xetti com isə yazıb ki, məmur övladları ilə bağlı sərt cəza tədbirlərinin görülməsinə, məsələyə hətta ölkə prezidenti səviyyəsində sərt reaksiyalar verilməsinə baxmayaraq bu sahədə hər şeyin qaydasına düşdüyünü iddia etmək olmaz.

Əlində olan səlahiyyətlərdən sui-istifadə edərək övladları üçün komfort şərait yaradan, onlara bahalı mülk və maşınlar hədiyyə edən belə məmurlar sırasına Beyləqan rayon icra hakimiyyətinin başçısı Vaqif Abdullayev də qoşulub.

Məlumat üçün bildirək ki, prezident İlham Əliyev çıxışlarında dəfələrlə nazir-məmur və onların qudurğan övladlarına hiddətlənərək, xəbərdarlıq edib. Bu baxımdan prezidentin məmur övladları ilə bağlı səsləndirdiyi, Vaqif Abdullayev kimi məmurların isə deyəsən, unutduğu məşhur çıxışdan bir hissəni təqdim edirik:

“Onların güvəndiyi adamları mən təyin etmişəm, lazım bildikdə isə mən də işdən çıxaracağam. Əgər bilsəm ki, kiminsə ailə üzvü, hardasa xuliqanlıq edib, nadanlıq edir, o adam həbs ediləcək, atası işdən qovulacaq”.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.