banner
banner

Gündəm

Ağrıdağa Azərbaycan və Türkiyə bayraqları sancıldı -Video

Ağrıdağa Azərbaycan və Türkiyə bayraqları sancıldı

Alpinist İsrafil Aşurlu Azərbaycanın Vətən Müharibəsində qələbəsi şərəfinə  Rinat Rəhimxanovla birlikdə Ağrıdağ dağına çıxaraq Azərbaycanın və Türkiyənin xüsusi bayraqlarını sancıb. 

Cia.az“Vestnik Kavkaza”ya istinadən xəbər verir ki, İsrafil açıqlamasında deyib: 

“Bütün Azərbaycan və azərbaycanlılar üçün yaddaqalan tarixi - Qarabağ müharibəsində parlaq Qələbəmiz olan 8 noyabrı ən yaxşı şəkildə necə qeyd edə biləcəyimi düşünərək bir sıra yüksəlişlər etmək qərarına gəldim. Türkiyənin ən yüksək zirvəsi – Ağrıdağdan başladım. Daha sonra Azərbaycana qayıdıb daha iki yüksəliş edəcəyik”.

 

İ.Aşurlu bildirib ki, zirvəyə sancmaq üçün götürdüyü bayraqlar öz xüsusiliyi ilə seçilir: 

“Özümlə iki əfsanəvi bayraq götürdüm. Dövlət Bayraq Muzeyində saxlanılan Azərbaycan bayrağı - onu bütün qitələrdə, Everestdə və Yerin digər yüksək zirvələrində, Şimal və Cənub qütbləri üzərində qaldırmışam. Bu bayrağı muzeydən məhz bu ekspedisiya üçün götürmüşəm. Biri də 1922-ci ildə hazırlanmış, əl işi olan və bu il mənə hədiyyə edilən Türkiyə bayrağı. Bu gün Türkiyə vaxtı ilə saat 12-də bu iki bayrağı Türkiyənin ən yüksək zirvəsinə qaldırmaq şərəfinə nail oldum”. 

Onun sözlərinə görə, yüksəliş asan olmayıb:

“İndi mövsümlərarası fasilədir, hava çox yaxşı deyil, külək çox güclüdür, marşrutda çoxlu qar və buz var. Yay mövsümündən kəskin fərqə görə qalxma ciddi alpinizm bacarığı tələb edir. Renatla  mən bu zirvəni birlikdə fəth etdik və onu doğma ölkəmizə və böyük Qələbəmizə həsr etdik”. 



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.