Ötən gün Qırğızıstan-Tacikistan sərhədində vəziyyət yenidən gərginləşib.
Cia.az xəbər verir ki, Qırğızıstan hökuməti Ak-Say və Ak-Tatır kimi təhlükəli sərhəd bölgələrində yaşayan insanları təhlükəsiz zonaya təxliyə edir.
Qırğızıstan kanalları tərəfindən paylaşılan videolara görə, Tacikistan Silahlı Qüvvələri Qırğızıstanla sərhədə zirehli texnika daşıyır.
Tacikistan ordusunun münaqişə yaşanan bölgəyə T-72 tankları dislokasiya etməyə başlaması barədə məlumatlar verilir.
Hadisələrin gərginləşdiyi bu məqamda KTMT baş katibi Stanislav Zas iki ölkə arasındakı gərginliyin yatırılması üçün təklif edib.
“KTMT konfliktin həlli üçün Qırğızıstan və Tacikistana yardım göstərməyə hazırdır”, - deyə o qeyd edib.
Qeyd edək ki, Özbəkistan və Qırğızısıstan sərhədlərin delimitasiya və demarkasiyası prosesini yekunlaşdırsalar da, Tacikistan və Qırğızıstan arasında sərhəd problemi davam etməkdədir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.