“Azərbaycan bura girə bilməz” deyən polkovnik qaçdı!
2021-ci ildə Ermənistanın keçmiş prezidenti Serj Sərkisyanın hazırda Azərbaycanın nəzarəti altında olan torpaqlara səfəri zamanı oranın korpus komandiri, polkovnik Geqam Martirosyan ilə görüşü bu günlərdə sosial şəbəkələrin Ermənistan kontentinin trendinə çevrilib.
Hurriyyet.az xəbər verir ki, bu mövzu erməni telekanalında yayımlanan “İcmal” verilişininin efirində müzakirə edilib.
“Zəngəzura müxalif qüvvə kimi gələn Sərkisyan erməni polkovnikə sual verir:
- Azərbaycan bu ərazidən yol çəkmək istəyir?
Polkovnik – Bəli.
- 10 kilometr, hə? Bu axı biabırçılıqdır... Bu əraziləri qorumağa gücünüz var?
Polkovnik - Əlbəttə var. Biz tam hazırıq. Çox güclü mövqelərimiz, strateji yüksəkliklərimiz var. Bura girmək üçün heç bir ordunun gücü yetməz!”
Ermənistan mətbuatının məlumatına görə, G.Martirosyan sentyabrın 12-də baş verən toqquşmalar zamanı tabeliyində olan 7 hərbçi ilə birlikdə silahını ataraq Azərbaycan Ordusunun qarşısından qaçıb.
Qeyd edək ki, Azərbaycan Ordusu Ermənistanın 12 sentyabrdakı təxribatına cavab olaraq ağır zərbə endirib və Ordumuz və əhali üçün təhlükə yaradan strateji yüksəkliklərdə möhkəmlənib.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
