Suriyada ABŞ-ın pilotsuz təyyarəsinin zərbəsi nəticəsində “Xorasan” terror qruplaşmasının liderlərindən biri məhv edilib.
APA-nın “İTAR TASS”a istinadən verdiyi xəbərə görə, “Predator” tipli pilotsuz təyyarəsi Suriyanın İdlib əyalətində hərəkətdə olan avtomobilə raket zərbəsi endirib. Zərbə nəticəsində avtomobildə olan partlayıcı qurğular üzrə mütəxəssis 24 yaşlı Fransa vətəndaşı David Drüjon və daha bir terrorçu ölüb.
Məlumata görə, Drüjon 14 yaşında olarkən İslam dinini qəbul edib. 2010-cu ildə Misirdə ərəb dilini öyrənib, sonra isə Pakistana gedərək “Əl Qaidə”yə qoşulub. ABŞ kəşfiyyatının məlumatına görə, “Xorasan” qruplaşmasına Əfqanıstan və Pakistandan Suriyaya gəlmiş “Əl Qaidə”nin veteranları daxildir. Qruplaşma, əsasən, qərb dövlətlərinin ərazisində terror aktlarının hazırlanması ilə məşğuldur.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.