banner
banner

Gündəm

Naxçıvan Mədəniyyət Nazirliyində TALIBOV AB-HAVASI...

Naxçıvan Mədəniyyət Nazirliyində TALIBOV AB-HAVASI...

Naxçıvan MR Mədəniyyət Nazirliyinin texniki işçiləri və nazirliyin nəzdnindəki Mədəniyyət Şöbəsinin tələbə-müəllim heyəti hər gün məcburi iməciliyə çıxarıldıqlarından şikayət edirlər. Şikayətçilərin sözlərinə görə, onlar həftə içi nazirliyin içini və həyətini təmizləməyə, həftə sonları isə Duzdağ ərazisindəki çöllükdə tikan vurmağa məcbur edilirlər.

Mədəniyyət Şöbəsində drijor vəzifəsində çalışdığını deyən Rahib Qurbanovun sözlərinə görə, bu işə nazirliyin aparat rəbhəri Vəli Səfərov rəhbərlik edir:

“Naxçıvanda bütün idarələr iməciliyə çıxarılır lakin, şənbə və bazar günləri. Bizi isə, hər gün məcbur edirlər. Dərsə keçməyə gəlirik, tələbə tapılmır. Çünki, hərəsini bir yerə işləməyə göndərirlər. Onlar hər gün 4 saat nazirliyin binasının ətrafını süpürməyə məcbur edilirlər. Bizə də ya stol daşıtdırırlar, ya da aidiyyəti olmayan işlər gördürürlər. Biz müəllimik, yoxsa stol daşıyan? Vəli Səfərov bizi bezdirib. Həftə sonları da göndərir bizi Duzdağda tikan təmizləməyə, yer suvarmağa. Tələbələrə dərs keçməyə vaxt tapmırıq. Şikayət edirik, işdən qovmaqla hədələyirlər. Tələbələrə də deyirlər ki, işləməsəniz, qiymət yazılmayacaq”.

Nazirliyin adının çəkilməsini istəməyən texniki işçilərindən biri də məcburi iməcilikdən şikayət edir:

“Vəli Səfərov bizi həftə içi hər gün güllərin tozunu təmizləməyə, daşların üzərinə lak çəkməyə, ağacların üzərindəki qarışqaları öldürməyə məcbur edir. Yəni, bizə aidiyyəti olmayan, lazımsız işlər gördürür. Sanki, bizə əziyyət verməkdən həzz alır. Həftə sonları isə, tikan təmizləməyə aparır. İşimizi itirməmək üçün səsimizi çıxarmırıq”.

Naxçıvan MR Mədəniyyət Nazirliyindən qeyd olunan promlemə münasibət bildirmək istəmədilər.

Gündəlik Naxçıvan



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.