Cia.az xəbər verir ki, bu sözləri Əməkdar artist Nigar Şabanova instaqramda yayımladığı videoaçıqlamada deyib.
Sənətçi son günlər bir sıra həmkarlarının reytinqə görə aparıcılar və televiziyalar ilə mübahisə yaşamasına belə münasibət bildirib:
““Əməkdar artist” fəxri adını daşıyan xalq mahnılarını ifa edən xanəndələrə üzümü tuturam. Bir tamaşaçı kimi evdə oturub, televizora baxıram. Siz tələbələrinizlə efirə çıxırsınız, amma fonoqram ifa edirsiniz. Bu, nə dərəcədə düzgündür? Adımıza-sanımıza yaraşır? Bu yaraşır bizim muğam ifaçısı olmağımıza? Çoxunuz Milli Konservatoriyada dərs deyirsiniz, Opera və Balet Teatrında işləyirsiniz, Milli Konservatoriyada Xalq çalğı alətləri bölümündə nə qədər tələbələr dərs alır, niyə pulunuza qıyıb, onları efirə dəvət etmirsiniz? Bunu niyə etmirsiniz? Bəs həmin musiqiçi uşaqları kim həvəsləndirməlidir?
Siz etməyin, bəs kim etsin? Niyə gəncləri maarifləndirmisiniz? Tar, kaman, əlinizdə dəf… Onunla hara qədər ifa edəcəksiniz? Niyə efirlərə ansabl ilə, yeni proqramlar, yeni repertuarla çıxmırsınız? Niyə Milli Konservatoriyada təhsil alan orkest və ansamblın uşaqları ilə efirə çıxmırsınız? Axı onlarında təhsilinin bir bəhrəsi olmalıdır. Əməkdar və Xalq artisti fəxri adını daşayanlar az mı qazanırsınız? Yəni siz oradan kasıb canı ilə təhsil alan tar, kaman, nağara, qarmon ifaçıları ilə birlikdə efirə niyə çıxmırsınız? Siz öz aranızda 200 manatdan atışıb, pulu cəmləyib, bir gözəl ansambl yaradıb, efirə çıxıb, sənət göstərə bilərsiniz”.
