banner
banner

Gündəm

“Azəriqaz” qaziləri ÜSYAN həddinə çatdırıb

“Azəriqaz” qaziləri ÜSYAN həddinə çatdırıb

“Azəriqaz” rəhbərliyi Vətən uğrunda döyüşmüş qaziləri müxtəlif bəhanələrlə işdən azad edir.

Cia.az xəbər verir ki, bu barədə məlumatı Neftçilərin Hüquqlarını Müdafiə Təşkilatının sədri Mirvari Qəhrəmanlı ictimailəşdirib. O bildirib ki, qaziləri işdən azad etməklə “Azəriqaz” onlara ikinci zərbəni vururə.

Hüquq müdafiəçisi bildirib ki, rəhbərlikdə əyləşənlər xüsusilə qazilərin şikayətlərinə biganə qalır:

““Azəriqaz” İB-də aylarla gedən ixtisarlardan sonra çoxlu sayda şikayətlər daxil olur. Amma bu şikayətlərə “Vətəndaşların müraciətləri haqqında” Qanunun tələblərinə uyğun baxılmır. Qazilər müraciət etsə də, onların problemləri araşdırılmır”.

Mirvari Qəhrəmanlı qeyd edib ki, bir çox qazilər dərəcələri azaldılaraq və ya “kadr ehtiyatı” adı altında işdən azad ediliblər:

“Bu, onlara döyüşdən sonra vurulan ikinci ən böyük psixoloji zərbədir. Qazilərimiz fəhləlik və ya ofisiantlıq etməklə ailəsini dolandırır. Amma “Azəriqaz” rəhbərliyi ‘hər şey yaxşı olacaq’ deyib onları yola verir.

Zəfər günündə qaziləri şəkil çəkib paylaşmaqla deyil, əməli olaraq onlara sahib çıxmaqla hörmət göstərmək lazımdır. Zəfər gününə doğru irəlilədikcə qazilər və şəhid ailələri nədən narazı salınır, kimlər bu işdə maraqlıdır – bunlar araşdırılmalıdır”.

Qəhrəmanlı hesab edir ki, qazilərin sosial vəziyyətinin pisləşməsi və onların işdən uzaqlaşdırılması cəmiyyətdə ədalət hissinə ciddi zərbə vurur.

Qarşı tərəfi dinləməyə hazırıq.

Tribunainfo.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.