Azərbaycan hərbçiləri bu bölgəyə göndərilir? —AÇIQLAMA
"Politico” nəşrinin məlumatına görə, Azərbaycan, İndoneziya və Pakistan Qəzza zolağına sülhməramlı qüvvələr göndərmək üçün əsas namizəd ölkələr hesab olunur. Bu, nə dərəcədə realdır ? Hurriyyet.Az xəbər verir ki, bu barədə Demokrat.az-a danışan deputat Azər Allahverənov deyib ki, KİV-də müəyyən məlumatlar getdi ki, Azərbaycanın sülhməramlı qüvvələrinin Qəzzaya göndərilməsi mümkün ola bilər, amma konkret mənbələr göstərilmir: "Ola bilər sadəcə bir fikir olaraq dilə gətirilir. Xüsusən Pakistan, İndoneziya və Azərbaycanın sülhməramlıları qeyd olunur. Pakistan sülhməramlılarının az da olsa müəyyən münaqişə ocaqlarında olduğunu görmüşük. Azərbaycan sülhməramlıları fəal sürətdə bir çox qaynar nöqtələrdə missiya həyata keçiriblər. Sonuncu missiyalardan biri məhz Əfqanıstanda olmuşdu. Bir sıra dövlətlər var ki, onlar Qəzzada belə bir missiyanın tərkibində ola bilərlər. O dövlətlərdən biri də Azərbaycan ola bilər. Azərbaycan sülhməramlıları bu missiya üçün tələb olunan peşəkarlığı malikdir".
Qazaxıstanda işgüzar səfərdə olan Azərbaycan Respublikasının müdafiə naziri general-polkovnik Zakir Həsənov oktyabrın 31-də bu ölkənin müdafiə naziri general-leytenant Dauren Kosanov ilə görüşüb.
Milli Məclisin Müdafiə, təhlükəsizlik və korrupsiya ilə mübarizə komitəsinin iclasında “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikası Qanununun layihəsi müzakirəyə çıxarılıb.
Müdafiə nazirinin təsdiq etdiyi illik fəaliyyətlər planına əsasən, Azərbaycan Ordusunun qoşun növü, birlik, birləşmə və hərbi hissələrin yanğından mühafizə xidmətlərinin və ştatlı yanğından mühafizə komandalarının rəisləri, həmçinin yanğından mühafizə üzrə müfəttişləri ilə təlim-metodiki toplanış keçirilib.
Bəzi iş yerlərində hərbi biletin olmaması şəxsin işə qəbul prosesində maneə yarada bilər. Bəs hərbi bileti olmayan şəxslər hansı işlərdə çalışa bilməzlər?
