Orqanizmin sağlam fəaliyyəti üçün gün ərzində kifayət qədər və düzgün vaxtlarda su içmək böyük əhəmiyyət daşıyır.
“Cia.az” xəbər verir ki, su istehlakı bədən istiliyinin tənzimlənməsinə, həzm sisteminin işləməsinə və toksinlərin orqanizmdən xaric olunmasına kömək edir.
Mütəxəssislər xüsusilə bu vaxtlarda su içməyi tövsiyə edirlər:
Səhər oyandıqdan sonra — gecə itirilən mayenin bərpasına və maddələr mübadiləsinin aktivləşməsinə kömək edir.
Yeməkdən əvvəl — toxluq hissi yaradaraq porsiya nəzarətini dəstəkləyir.
İdmandan əvvəl və sonra — maye balansını qoruyur, yorğunluq və əzələ spazmlarının qarşısını almağa kömək edir.
Günorta saatlarında — enerji azalmasının və diqqət dağınıqlığının qarşısını ala bilər.
Baş ağrısı zamanı — susuzluqdan yaranan narahatlığı azaltmağa kömək edə bilər.
Dərman qəbul edərkən — dərmanın orqanizmdə daha rahat sorulmasını təmin edir.
Yatmazdan əvvəl az miqdarda — gecə maye itkisini azalda bilər, lakin həddindən artıq su yuxu rejimini poza bilər.
Mütəxəssislər həmçinin bildirirlər ki, uşaqların gündə orta hesabla 1–1,5 litr, böyüklərin isə 2–2,5 litr su içməsi tövsiyə olunur. İsti hava və fiziki aktivlik zamanı bu miqdar arta bilər.
Dietoloqlar susama hissini gözləmədən müntəzəm su içməyi məsləhət görürlər. Bunun baş ağrısı, halsızlıq və diqqət pozğunluğu kimi problemlərin qarşısını almağa kömək etdiyi vurğulanır.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.