Azərbaycan şou-biznesində müğənninin həqiqi ulduz statusunu müəyyən edən əsas meyarlardan biri də məhz “yarımsaatlıq” çıxışlara olan tələbatdır.

Sən öz ansamblınla məclislərdə yüksək qonorarla çıxış edə, mahnıların YouTube və TikTok platformalarında rekordlar qıra, gün ərzində bir telekanaldan digərinə qonaq ola bilərsən. Lakin əgər toy və korporativlərdə sənin məhz “yarımsaatlıq” iştirakın sifariş olunmursa, bu günün ən çox arzulanan ulduzları sırasında deyilsən..

“Yarım saatlıq” - sənətçinin özünəməxsus, təkrarsız repertuarının, fərqli üslubunun, səhnə obrazının və auditoriya sevgisinin ən real göstəricilərindəndir. Bu formatda tamaşaçı məhz həmin ifaçının öz hitlərini, öz enerjisini və öz səhnə təqdimatını görmək istəyir.

Bu həm də, sənətçi komandasının düzgün qurulmuş marketinq strategiyası, menecment fəaliyyəti və sənətçinin bazardakı mövqeyinin doğru idarə olunması deməkdir.

Bütöv toy aparmaq isə sənətçidən əsasən məclis repertuarı tələb edir. Bu da özlüyündə çox çətin bir seqment və məsuliyyətli peşədir. Amma, “Yarımsaatlıq” formatında diqqət məhz ifaçının öz mahnılarına və fərdi brendinə yönəlir.

"Bəs bu gün "Yarımsaatlıqlarda" ən tələbatlı kimdir?" Sualı ilə şəhərin ən tanınmış və nüfuzlu şadlıq məkanları və restoranlarına müraciət etdik. Sorğunun nəticələrinə əsasən, hazırda “yarımsaatlıq” çıxışlara ən çox tələbat olan məşhurlar bunlar imiş.

Musavat.com olaraq siyahını və "yarımsaatlıq" çıxış üçün qonorarları sizə təqdim edirik: 

Aygün Kazımova - 12.000 AZN
Röya - 10.000 AZN
Eyyub Yaqubov - 4.000 AZN
Tünzalə Ağayeva - 6.500 AZN
Faiq Ağayev - 10.000 AZN
Zülfiyyə Xanbabayeva - 7.000 AZN
Murad Arif - 5.000 AZN
Namiq Qaraçuxurlu - 5.000 AZN
Manana - 5.000 AZN
Miriyusif - 6.500 AZN
Xumar Qədimova - 7.000 AZN
Günay İbrahimli - 6.000 AZN
Ədalət Şükürov - 3.500 AZN

 Könül

Musavat.com